|
(دَعوه) إلى زهرة البصرة (3) تعال إكتبْ قصيده إتعانِدْ الموت، تِعَلّتْ روجة الدم فوگ البيوت الوطن ينراد له مِثلك صِناديد.... تِغني إبماي دِجله ابنايل الصوت تِدور السنة اِبْكّلْ لحَظّهْ إعله دنياي .. واَحَسّكْ عَدِّل ما غَيَّبك تابوت إحفرت بالحَجَر ذكرى إتْوَعي الأجيال اِو على الحيطان صار تلك عناوين يا زهرّة البصرة اِو زين سَمّوك، عطورك مِن تِهِّبْ نَسمة رياحين صحيح الموت فُصّل ثوب اِلعليك لچّن طرّز جماله بالبساتين عِشگت إنتهِ الشهادة وأمَنتْ بيك اِوضوه الشَمعات نَوّر بالروازين >إلجرح ماشال غيض إو عاتب سيف بَسْ ظّلْ إعله باله إلدّم قرابين تعال إنِهَضْ مثل ماچنت وَياي، فطر والفيض من نهرانك اِهواي يبو الغيرة... إلوِفْه چان إبشِليلك خُبز تنور وإبغدران دَمعْك ليل أشور دِخلهه إلدنيه بيك إتدور.. ما إتدور.. ....إهي صرخه إعلنتها إو حيف عالحيف... يظل إسمك علم لو غيّم الصيف... تَعال ... إنْهِضْ ... صُنعت گُباره دِنياي إو جهنمهّه... طفُحُ مِن حِقد إلارهاب (الحسيُن) ... إحتدْ ضِميره اِو ما عثر خوف ... حِملْ هَمَّهْ اِعله ظهَره اِو فارگ أحباب تعال... إنْهضْ... ....... وَأدري ..... إبنعيم إنته إو رياحين أنه معتاز جَيتك وأدري هَمْ بيك... ... بعد بيك المراجل... عن ملايين.. >الجرح ما شال غَيض اِو عاتبْ سيف.... ، بَّسْ ظل إعله باله اِلدم قرابين....< أبو وليد البصرة 17/ مايس/ 2005 |