چذبْ من گال نجمَّك طُفّهْ وَمْضهْ
نِزّف دَمَّكْ إنْطّفْ الكون وَمضه

غَذابْك جَرَّح الدَلال وَمْضه
إعله هاي الناس والدّمعة هَدّية
 

أهتديت إم الزغر وإنْهَمِّتْ دَرسّاك
إمامك >علي< إوسيد الكون دَرساك
 

بخُيت اللي حضّهْ واِستِمّعْ دَرساك
إله الخلق أمُرهم سويه
 

زماني إيْعگد إبْخَيطي وَفلّهْ
العزّم بالله إذلْ عَزمه وفاله..
 

إو مثلی مالکه صاحب وفلّهْ
أحطها بصدره وأردس بالثنيه

دارت علينة السنه خِطواتها إبسْرعهْ
فيحَسرْ إعله المُضة...
والرِّاح مِنّه بُطل ما نگدر إنْعوضّهْ

والحزن عَمّ الشعبْ والضحِكه للَدمعه
جرح الشرف موعظه...

دارت علينه إلسنه والگلب بيه وهواس
کابوس ظل الجرح والعَتب عالحَرّاس
 

چذاب كلمنْ صحّه والوكت دوخة راس
والعمر جام إنكِسر وإتشظّه شيجمعهْ
 

دارت علينه إلسنه والكلب بيه وهواس
صحْ جفنك تابوت
واللي إيموت أشرف تتباهه بيه ربعه

جـَ رُمُحَّ ما مَزقَّه إن مِثلّك صُبح عِنوان
وإنته إعينت الموت